⏰ Hoe laat moet ek arriveer?

Gaste sal met pendeldienste van die dorp na die Swartbergpas vervoer word.
Arriveer asseblief teen 14:50 om op die pendeldienste te klim.

Pendelpunt:
Voor die NG Kerk, Kerkstraat 26, Prince Albert.

🕯️ Is die seremonie en onthaal by dieselfde plek?

Nee.
Ons seremonie sal in die Swartbergpas plaasvind, terwyl die onthaal in Prince Albert dorp by African Relish gehou sal word.

🌿Is die seremonie in die buitelug?

Ja. Beide ons seremonie en onthaal sal buite plaasvind.

Beplan asseblief dienooreenkomstig. Jy is welkom om jou uitrusting op te kikker met ’n hoed of fedora vir die Karoo-son tydens die seremonie.

ons moedig jou sterk aan om iets warms vir die aand saam te bring.

👗Is daar ’n kleredragkode?

Ja, semi-formeel.

Ons palet is geïnspireer deur die natuurlike kleure van die Karoolandskap:
aardse neutrale kleure, sagte pastelkleure of warm bruin skakerings. Verwys asseblief na die kleredrag-oortjie vir meer inligting.

🎁Het julle ‘n geskenkregister?

Aangesien ons almal oor lang afstande reis, verkies ons kontant of geskenkbewyse.
Alternatiewelik is daar ’n geskenkregister beskikbaar. Ons verwys jou na die geskenke-oortjie.

🍽️Akkommodeer julle dieetvereistes of allergieë?

Maak asseblief seker dat jy enige dieetvereistes op jou RSVP-vorm invul.
Alternatiewelik kan jy Jeanne direk kontak om reëlings te tref.

🧒Word ons kinders uitgenooi?

Ons is baie lief vir julle kleingoed, maar slegs naaste familie se kinders word volgens uitnodiging toegelaat.

🚗 Is daar parkering?

Dis ’n klein Karoodorp, so die hoofstraat bied genoeg parkeerplek.
Die pendelpunt by die kerk is direk oorkant ons onthaal venue (ongeveer 120 meter).

🏨 Waar moet ons bly?

Verwys asseblief na die gedetailleerde inligting onder ons prince albert-oortjie vir aanbevole opsies.

🚻 Is daar badkamers by die seremonie?

Neem asseblief kennis dat daar geen badkamergeriewe in die Swartbergpas is nie.
Ons vra vriendelik dat jy dit vooraf ingedagte hou voordat jy op die pendeldienste klim.

🕺 Gaan daar gedans word?

Absoluut. Bring jou dansskoene en wees gereed om tot laat in die aand te vier.

🕰️Hoe laat eindig die aand?

Die vieringe sal om 00:00 eindig.
Prince Albert het streng munisipale regulasies wat musiek en die verkoop van alkohol na middernag verbied.

📸 Kan ek foto’s neem?

JA, ASSEBLIEF! 
Ons weet julle is net so opgewonde soos ons. Ons moedig julle aan om die POV-toeb af te laai en ons spesiale dag vanuit julle perspektief met ons te deel.

💬 Wie kan ek kontak indien ek vrae het?

Voor die groot dag kan jy vir Werich of Jeanne kontak.
Werich sal dalk vir Jeanne moet vra vir antwoorde,  maar hy sal sy bes doen 😉

Werich – 064 902 2243

Jeanne – 079 905 4303